ليه التشخيص الذاتي من الانترنت خطر؟

في عصر الانترنت، بقى اي عرض صحي نمر بيه بنلاقي له الاف الاجابات بضغطة زر.

صداع؟ تعب؟ الم في المعدة؟

بحث بسيط على جوجل ممكن يطلعك من نزلة برد لمرض خطير في دقايق.

لكن الحقيقة الطبية بتقول ان التشخيص الذاتي من الانترنت واحد من اخطر الاخطاء الصحية الشائعة.

1️- نفس العرض له اكتر من سبب

الطب قائم على ان العرض الواحد ممكن يكون له عشرات الأسباب مثلًا:

الصداع ممكن يكون اجهاد بسيط، نقص سوائل، اضطراب نظر، او مشكلة عصبية.

الام المعدة ممكن تكون قولون عصبي، التهاب معدة، عدوى، او مشكلة هرمونية.

الانترنت غالبًا بيركز على اسوأ الاحتمالات، وده يسبب قلق غير مبرر او تشخيص خاطئ.

2️- بتشخص العرض مش السبب

الطب مش بيعالج أعراض… بيعالج سبب.

المقال او الفيديو اللي بتشوفه ما يعرفش:

(تاريخك المرضي- تحاليل - ادويه بتاخده - نمط حياتك)

وده بيخلي اي تشخيص ذاتي ناقص وغير دقيق.

3️- التأخير في التشخيص الصح بيضر

في حالات كتير، الاعتماد على التشخيص الذاتي:

بيأخر زيارة الطبيب

يخلي المرض يتفاقم

يقلل فرص العلاج السليم المبكر

امراض كتير علاجها بسيط لو اتشخصت بدري، لكن الاهمال بيحولها لمشكلة مزمنة

4- بعض المعلومات على الانترنت غير موثوقة

مش كل اللي على الانترنت صحيح أو مراجع علميا.كتير من المحتوى الطبي:

معمول بدون مصادر

او مبني على تجارب شخصية

او قديم وغير محدث

الطب بيتغير باستمرار، والتشخيص لازم يعتمد على مراجع علمية وفحص اكلينيكي.

5- العلاج الذاتي ممكن يكون أخطر من المرض

تناول ادويه بدون وصفة بناء على تشخيص ذاتي ممكن يؤدي إلى:

اثار جانبية خطيرة

تداخلات دوائية

اخفاء أعراض مرض اخطر

وده بيصعب التشخيص الحقيقي لما تروح للطبيب بعد كده.

6- القلق النفسي جزء من المشكلة

التشخيص الذاتي بيغذي:

(الخوف-القلق-وسواس المرض)

وده ممكن يسبب اعراض جسدية حقيقية، رغم عدم وجود مرض عضوي.

❇️طيب ايه البديل الصح؟

✔️ استخدام الانترنت للتثقيف الصحي فقط

✔️ متابعة مصادر طبية موثوقة

✔️ مراجعة الطبيب عند استمرار الاعراض

✔️ عدم تناول ادويه بدون استشارة

فالنهاية الانترنت اداة قوية للتوعية، لكن مش بديل للطبيب.

التشخيص الصح محتاج:

(فحص – تحاليل - خبرة طبية)

صحتك اغلى من تجربة او مقال على الانترنت